فطيرة الشكولاتة رائعة

السلام عليكم ورحمة الله
جربى الفطيرة دى وقوليلى رائيك
https://2img.net/r/ihimizer/img57/1165/o9r45991vf5.jpg



المقادير
بسكويت ماري أو دايجستيف (باكو )مطحون كويس اوي
بندق محمص و مطحون مع البسكوت كويس (اختياري )
باكو زبده كبيره (اقل من ربع كيلو )
4 بيض
تلات اربع كوب سكر
باكو فانيليا
قالب شيكولاته مطبخ و يفضل باللبن
4 معالق كبيره كاكاو
فنجان قهوه كريمه لباني (لو الشيكولاته باللبن ممكن تستغني عنها )

الطريقه1-
حطي البسكوت المطحون مع البندق مع الزبده السايحه في قالب تارت او صينيه عاديه و بططتيه كويس .
2- دخليه الفرن علي نار متوسطه 3 دقايق بالظبط .
3- اضربي السكر مع البيض و الفانيليا كويس لحد ما يدوب .
4 -في اثناء تحضير الحاجات دي ,سيحي الشيكولاته الخام علي حمام ميه .
5-لما تسيح انزلي بقطعه زبده (معلقه كبيره )و الكاكاو البودر و الكريمه .
6- انزلي بالخليط ده علي خليط البيض و السكر و حطيه علي طبقه البسكوت و بعدان في الفرن علي حراره متوسطه من ربع لتلت ساعه و يكون الفرن والع قبلها :

بالهنا و الشفا

مشكووورة يا عيوني على الوصفه الحلوه ^_^

انشا الله بجربها